აღდგომა (გვ.3.)

ტიპი:	ხელნაწერი
დასახელება:	აღდგომა (გვ.3.)
დასახელება (ორიგ.):	თანაფ
ავტორისეული აღწერა:
შინაარსი:	ლემზირებს ვაცხობთ და შიგ ვურევთ ახალდაკლული საკლავის ბადექონს. ამა ჰქვია ყონცარი. ვთავაზობთ და ვასმევთ არაყს. დილას ლემზირებს შევწირავთ და შევალოცავთ დიდ ღმერთს, ვევედრებით, რომ გვამყოფოს კარგად და ცუდი გვაშოროს, აგვაცდინოს. საუზმის მერე, უკვე შუადღის დროს არის სადილობა. სადილისთვის აცხობენ კუბდარებს, პურს, ვხარშავთ ხორცს. ამ დროისთვის აღდგომის გამკეთებელ სახლში შეიკრიბება ყველა: აღდგომის მასპინძელი და დამხვდომიც და მოწვეულებიც. ელოცებიან დიდ ღმერთს, ევედრებიან მშვიდობას და კარგად ყოფნას. დიდი ღმერთის ვედრებისას და ლოცვისას ყველანი ჩავიმუხლებთ ხოლმე (ჩუ ხვიღულაიდ) , როცა საკლავს ვწირავთ დიდ ღმერთს. აღდგომის გადამხდელი ოჯახები იმის მიხედვით ერთიანდებიან ხოლმე, ვისაც ერთმანეთი მოსწონთ. თუკი ერთი ოჯახი უფრო მრავალრიცხოვანია მეორესთან შედარებით, მაშინ საჭიროა რომ ადღგომის გადამხდელმა ოჯახმა ცალკე წილი გაუგზავნოს იმ ოჯახს: ხორცის, პურის, არყის, რამდენი წევრითაც მეტი იქნება ოჯახში, ზუსტად იმდენი. პირველი აღდგომა არის კვირა დღეს და კვირა ღამეს. აღდგომის კვირეულში უქმე დღე არის ერთი. ორშაბათ დღეს არის კურთხევის ორშაბათი.
დამატებითი ინფორმაცია:	ტექსტი სვანურიდან ქართულ ენაზე ქეთევან მარგიანმა
თემი:	მულახის თემი
სოფელი:
ტერიტორია:	ზემო სვანეთი
წელი:
მასალა:	ქაღალდი, მელანი
ზომები:	20სმ × 17სმ
მდგომარეობა:	დამაკმაყოფილებელი
დაზიანებები:
თეგები:	კორკოტი ლოცვა მიცვალებული წანდილი ხორბალი