ბარბარობის დღესასწაული სვანეთში (გვ.1.)

ტიპი:	ხელნაწერი
დასახელება:	ბარბარობის დღესასწაული სვანეთში (გვ.1.)
დასახელება (ორიგ.):	ბარბლაშ
ავტორისეული აღწერა:	მულახი, სოფ. ჭოლაში, ჩაწერილია 1930 წელს 90 წლის ემზა გუჯეჯიანისაგან
შინაარსი:	ბარბალობის კვირეულში სამი დღის განმავლობაში ყველა ჭოლაშელი ქალი მიდის ლადბაშში (ეკლესიის მინაშენში). აცხობენ იქ სეფისკვერებს, აცხობენ ბევრ პატარა სეფისკვერს. შეალოცავენ ბარბარეს თითოეული ადამიანი სახელზე (კაცის სულზე) სამ სეფისკვერს, ევედრებიან: „ ბარბარე, დიდებამც გქონია (ამოგსვლია), შეეწიე ჩვენს სახლეულობას: ადამიანებს და საქონელს; თვალის სინათლით, გულის მხიარულებით გაახარე ჩვენს სახლში მყოფი ადამიანი და ამრავლე საქონელი; გაგვიმარჯვე (წინ წაგვწიე!) ეს ბარბარეს ეკლესია და ლადბაში დგას ქვიშში. სამი დღის განმავლობაში მუდმივად ასე აკეთებენ. როდესაც შინისაკენ მოდიან ქალები, მაშინ ვინც კი გზაზე შემოხვდებათ, ყველას ერთ პურს აძლევენ. პურის უწილადებლად, პურის მიუცემლად თუკი ჩაუვლის, ის არაფრით არ შეიძლება, აკრძალულია. ამის გარდა ბავშვები ამ სოფლისა მოჭრიან არყის ხის ტოტებს, კარგად, უხვად დაფოთლილ ტოტებს და აიტანენ ბარბარეს ეკლესიაში. იქ ყველანი ერთ ადგილას დაანთებენ ცეცხლს: „ბარბარე თვალთ გაგვინათე მე და ჩემს სახლეულს (ჩემს სახლში მყოფ ადამიანებს)“.
დამატებითი ინფორმაცია:	ტექსტი სვანურიდან ქართულ ენაზე თარგმნა ქეთევან მარგიანმა
თემი:	მულახის თემი
სოფელი:	ჭოლაში
ტერიტორია:	ზემო სვანეთი
წელი:	1930
მასალა:	ქაღალდი, მელანი
ზომები:	20სმ × 17სმ
მდგომარეობა:	ცუდი
დაზიანებები:
თეგები:	ბარბალობა ეკლესია ლ;ოცვა სეფისკვერი