ყორლიკრალი-კარის გაღება (გვ.2.)

ტიპი:	ხელნაწერი
დასახელება:	ყორლიკრალი-კარის გაღება (გვ.2.)
დასახელება (ორიგ.):	ყორლიკრალ
ავტორისეული აღწერა:
შინაარსი:	სათითაოდ დაუყენებენ სამ სეფისკვერს (ტაფ ლემზირს). ამის გარდა აცხობენ ერთ დიდ ხაჭაპურს, ამას ჰქვია „ღვენზილი“. „ღვენზილს“ დაუყენებენ ცხრა სეფისკვერს (ტაფ ლემზირს). ცხობის დამთავრების შემდეგ, მანამ ვიდრე ღუმელს და საცხობ ფიქალ ქვას მოშორდებიან, ასრულებენ და ახორციელებენ განსაკუთრებული ლოცვის რიტუალს (ტაფ ლიმზირს). დაანთებენ სამ სანთელს, სამ კელაპტარს. ქალი, რომელმაც განსაკუთრებული ლოცვის რიტუალი უნდა აღასრულოს, ჩაიმუხლებს კერიასთან. აიღებს ერთ სეფისკვერს, თუკი ქალი ერთია ოჯახში, ანდა თითოეულის რაოდენობის შესაბამისად სამ–სამს. და მერე უკვე ილოცებს და დაალოცავს კერიის ფეხთან მუხლმოყრილი. ამ სეფისკვერებს სწირავენ, შეალოცავენ ღვთისმშობელს (ლამარიას) და სთხოვენ: „ღვთისმშობელო, სვე და ბარაქამც მომანიჭე და მომეციო, მეწველი საქონელი მიმრავლეო!“ როცა ლოცვის რიტუალს უკვე ამთავრებენ, მაშინ სეფისკვერებს სამჯერ კერიის ფეხის ირგვლივ შემოატარებენ. აქვე, თან აქვთ ასევე ნათავედი არაყი პატარა ბოთლით, ამასაც შესწირავენ, შეალოცავენ ღვთისმშობელს. ძველ დროში ერთ სეფისკვერს ამ დროს მეზირის სახლზე შესწირავდნენ თურმე და დამარხავდნენ კერიის ფეხთან. მეზირი არის თურმე თეთრი პატარა თაგუნა. ეს მეზირი ყოფილა ბარაქის მიმცემი და მიმნიჭებელი წველადობის, ცხობისა და ცომეულისა და ყველის ამოყვანისა. ამ ლოცვისას, ამ რიტუალის შესრულებისას გარეშეს არავის არა აქვს უფლება დასწრებისა და ამ სახლში ყოფნისა. ლოცვა რომ დამთავრდება, მაშინ გაშლიან ტაბლას და გააკეთებენ ლიფაანეს მიცვალებულებისათვის, მერე დასხდებიან და დაპურდებიან. თუკი პურობის მერე დარჩა ნაწილი შენაწირი სეფისკვერებისა, იმას აუცილებლად მალულად მიირთმევენ. მერე უკვე ამას ყველაფერს შეინახავენ და დაუძახებენ სახლში
დამატებითი ინფორმაცია:	ტექსტი სვანურიდან ქართულ ენაზე თარგმნა ქეთევან მარგიანმა
თემი:	მულახის თემი
სოფელი:
ტერიტორია:	ზემო სვანეთი
წელი:
მასალა:	ქაღალდი, მელანი
ზომები:	20სმ × 17სმ
მდგომარეობა:	დამაკმაყოფილებელი
დაზიანებები:
თეგები:	გვიზ კარის გაღება ლამარია ლესკარი ლუკნეებ მეზირი ლიფაანეს ტაფ ლემზირს ღვენზილ ყორლიკრალ ჯგერან „ჯგერან ფუსდ